Բնակարանային Ֆինանսավորում III-V փուլեր

«Բնակարանային ֆինանսավորում 3-րդ փուլ» ծրագիրը մեկնարկել է 2013 թվականին՝ նպատակ ունենալով խթանել հանրապետությունում անշարժ գույքի ձեռք բերման, կառուցապատման և վերանորոգման համար վարկերի տրամադրումը։ Ծրագրի շրջանակներում տրամադրվել է 1632 վարկ, որից

• 16-ը՝ անհատական բնակելի տների կառուցման,
• 473-ը՝ անհատական բնակելի տների կամ բնակարանների վերանորոգման,
• 1143-ը՝ անհատական բնակելի տների կամ բնակարանների ձեռք բերման նպատակով։

«Բնակարանային ֆինանսավորում 4-րդ փուլ» ծրագիրը մեկնարկել է 2017 թվականին՝ նպատակ ունենալով խթանել մարզային բնակավայրերում բնակարանային ֆինանսավորումն ու էներգաարդյունավետ բնակարանային վարկերի տրամադրումը։ Ծրագրի շրջանակներում տրամադրվել է 1,271 վարկ, որից

• 906-ը՝ ՀՀ մարզերում,
• 54-ը՝ էներգաարդյունավետ վարկեր։։

«Բնակարանային ֆինանսավորում 5-րդ փուլ» կամ «Իմ Տանիք» ծրագիրը մեկնարկել է 2021 թվականին՝ նպատակ ունենալով խթանել էներգաարդյունավետ բնակարանային վարկերի շուկան, խրախուսել էներգախնայողությունը և նպաստել ջերմոցային գազերի արտանետումների կրճատմանը Հայաստանում։ Ծրագրի կարևոր բաղադրիչ էր նաև մարզային բնակարանային վարկերի տրամադրումը։

Այս փուլում ընկերությունը մշակեց էներգաարդյունավետության գնահատման գործիք, որը հասանելի էր լայն հանրությանը։ Գործիքը հնարավորություն էր տալիս շահառուներին գնահատել ներդրումների արդյունքում էներգախնայողություն չափը ու ջերմոցային գազերի արտանետումների կրճատման մակարդակը։ Բացի այդ, ծրագրի շրջանակում ներդրվեց բազմաբնակարան շենքերի էներգետիկ աուդիտի պահանջը, որի արդյունքում Հայաստանում մի շարք շենքեր ստացան էներգետիկ անձնագրեր։