Մեր մասին

Ազգային Հիփոթեքային Ընկերություն ՎՎԿ ՓԲԸ-ի հիմնադիր փաստաթուղթն է հանդիսանում ընկերության Կանոնադրությունը:

Այն սահմանում է ընկերության կառավարումն իրականացվող գործառույթների և կանոնների շրջանակը:

Մեր առաքելությունն է՝

Հայաստանի հիփոթեքային շուկան դարձնել առավել իրացվելի, կայուն և հասանելի:

Մեր նպատակն է՝

Հիփոթեքային շուկայում ստեղծել այնպիսի պայմաններ, որպեսզի վարկերը հասանելի լինեն բոլոր այն ընտանիքների համար, ովքեր ունեն միջին և ցածր եկամուտ և հիփոթեքային վարկավորման միջոցով կարող են բարելավել իրենց բնակարանային պայմանները:

Մենք առաջնահերթություն ենք տալիս նաև էներգաարդյունավետ միջոցառումներին, որոնք բարելավում են բնակչության կենսապայմանները և նպաստում են կայուն զարգացման նպատակներին։ Նշված թիրախին հասնելու համար Ընկերությունը ստացել է իր կանաչ վարկատեսակների վերաբերյալ դրական կարծիք Մուդիս միջազգային կազմակերպությունից։

Մեր հեռանկարային նպատակն է՝

Համակցել բնարականային վերաֆինանսավորումը և կապիտալի շուկանները հիփոթեքային արժեթղթերի միջոցով, ինչը կաջակցի մեր նպատակներին ու առաքելությանը:

Մենք...

Գործելով երկրորդային շուկայում՝ մենք անմիջապես չենք վարկավորում ֆիզիկական անձանց, այլ համագործակցում ենք բանկերի և վարկային կազմակերպությունների հետ՝ տրամադրելով նրանց ցածր տոկոսադրույքով և երկարաժամկետ վարկեր՝ փորձելով բանկերի և վարկային կազմակերպությունների միջոցով հիփոթեքային վարկերը դարձնել մատչելի բոլոր նրանց համար, ովքեր ունեն բնակարանային ֆինանսավորման կարիք:

Մեր գործունեության ընթացքում վերաֆինանսավորումն իրականացրել ենք սեփական, հիփոթեքային շուկայի զարգացման ծրագրի շրջանակներում ՀՀ Կառավարությունից, KfW, AFD և EU, ինչպես նաև BSTDB կառույցներից ներգրաված միջոցների հաշվին:

Ազգային Հիփոթեքային Ընկերություն ունիվերսալ վարկային կազմակերպություն փակ բաժնետիրական ընկերությունը հիմնադրվել է ՀՀ կենտրոնական բանկի կողմից, գրանցվել՝  16.06.2009թ-ին ՀՀ կենտրոնական բանկի խորհրդի թիվ 182Ա որոշմամբ։

ՀՀ կենտրոնական բանկի խորհրդի 19.10.2011թ  թիվ 1/1167Ա որոշմամբ Ընկերությունը վերանվանվել է Ազգային Հիփոթեքային Ընկերություն վերաֆինանսավորում իրականացնող վարկային կազմակերպություն փակ բաժնետիրական ընկերության։

Ազգային Հիփոթեքային Ընկերություն ՎՎԿ ՓԲԸ-ի միակ հիմնադիրն է հանդիսանում ՀՀ Կենտրոնական բանկը՝ (2009թ. հունիսի 3-ի թիվ 1/705 Ա որոշում):

Ընկերության կանոնադրական կապիտալը բաժանված է 2,924,444 (երկու միլիոն ինը հարյուր քսանչորս հազար չորս հարյուր քառասունչորս) հաuարակ (uովորական) բաժնետոմսերի, յուրաքանչյուրը՝ 17, 070 (տասնյոթ հազար յոթանասուն) ՀՀ դրամ անվանական արժեքով:

Կորպորատիվ ոճն իր մեջ ներառում է Ընկերության տարբերանշանը (լոգո) և կորպորատիվ գույների համադրությունը:

Տարբերանշանի հիմքում ընկած է սյուն և բանալի, որտեղ բանալին ձևավորվել է սյան ուղղահայաց երրորդ գծից և վերևում գտնվող էլիպսի միավորումից:

Սյունը խորհրդանշում է կայունություն, ուժ և հզորություն, իսկ բանալին՝ տուն, օջախ և սեփականություն:

Գույնի ընտրությունն էլ պայմանավորված է այն հանգամանքով, որ գինեգույնը (բորդոն) նույնացվում է հանգստության, կայունության և ամուր բիզնես իմիջի հետ:

Ընկերության աշխատակիցների էթիկայի կանոնների (այսուհետ՝ Կանոններ) նպատակը Ընկերության աշխատակիցների մասնագիտական էթիկայի և վարվելակարգի (էթիկետի) կանոնների սահմանումն է, որոնց պահպանումը Ընկերության բոլոր աշխատակիցների կողմից պարտադիր է:

Կանոնները նպատակ են հետապնդում`

• հանդիսանալու ուղենիշ Ընկերության աշխատակիցների ողջ աշխատանքային գործունեության ընթացքում,
• օգնելու աշխատակիցներին իրենց ամենօրյա աշխատանքային գործառույթներն իրականացնելիս,
• նպաստելու տարբեր իրավիճակներում Ընկերության և նրա աշխատակիցների վարքագծի կանոնակարգմանը,
• նպաստելու Ընկերության կորպորատիվ մշակույթի բարելավմանը,
• նպաստելու Ընկերության կորպորատիվ հեղինակության ու համբավի ամրապնդմանը:

Ընկերությունը ստացել է իր առաջին վարկանիշը Moody's-ի կողմից, Ba3, որը համապատասխանում է ՀՀ ներկա սուվերեն վարկանիշին: