Գնային առաջարկների ներկայացման հարցման կանոնները

 

1. Կազմակերպությունը www.nmc.am կայքում հրապարակված գնային առաջարկների ներկայացման հարցման (ԳՆՀ) միջոցով հրավիրում է համապատասխան անձանց, որոնք մասնագիտացած են համապատասխան ծառայության մատուցման ոլորտներում (այսուհետ` Հայտատուներին)` ներկայացնելու գնային առաջարկներ համապատասխան ծառայության մատուցման վերաբերյալ:

 

2.       Գնային առաջարկների ներկայացման գործընթացին մասնակցության համար գումար չի նախատեսվում:

 

3. Գնային առաջարկների ներկայացման հարցումը մրցույթ չէ: Այն հանդիսանում է շուկայում առկա համապատասխան առաջարկների հավաքագրման գործընթաց, որի արդյունքում առաջարկներից լավագույնը կարող է ընդունվել: Գնային առաջարկների ներկայացման հարցման գործընթացը չի կարգավորվում ՀՀ Քաղաքացիական օրենսգրքի 463-465, 1043-1044 հոդվածներով և «Հրապարակային սակարկությունների մասին» ՀՀ օրենքով:

 

4.       Հայտատուներն ինքնուրույն են հոգում Գնային առաջարկի պատրաստման և ներկայացման հետ կապված ծախսերը, մինչդեռ Կազմակերպությունը որևէ պատասխանատվություն և պարտավորություն չի կրում այդ ծախսերի համար` անկախ ԳՆՀ-ի գործընթացի ընթացքից և արդյունքներից:

 

5. Կազմակերպությունն իրավունք ունի մերժել Գնային առաջարկը, եթե Հայտատուն ուղղակի կամ անուղղակի կերպով տվել է, պայմանավորվել է տալ կամ առաջարկել է Կազմակերպության աշխատակցին ցանկացած տեսակի պարգևատրում` աշխատանք, ծառայություն, ցանկացած արժեքավոր իր` որպես խրախուսում, որը կարող է ազդել լավագույն առաջարկ կատարած Հայտատուի ընտրման կապակցությամբ որոշումների կայացման վրա:

 

6. Կազմակերպությունն իրավունք ունի ԳՆՀ-ի անցկացմանն առնչվող գործընթացները կասեցնել ԳՆՀ-ի փակման օրվանից առնվազն 3 օր առաջ` այդ մասին համապատասխանաբար ծանուցելով Հայտատուներին այդ տեղեկատվությունը www.nmc.am կայքում տեղադրելու միջոցով: Կազմակերպիչը պատասխանատվություն չի կրում այսպիսի կասեցման արդյունքում Հայտատուների կամ Երրորդ Անձանց կողմից կրած ծախսերի համար:

 

7. ԳՆՀ-ին պատասխանել ցանկացող Հայտատուն պետք է պատրաստի Գնային առաջարկ, որը կներառի.

 

7.1.     Օֆերտայի ներկայացման վերաբերյալ նամակ` համաձայն կից Ձև N 1-ի

 

7.2.    Գնային առաջարկ` տվյալ ԳՆՀ-ի կանոնների համաձայն.

 

7.3.    Հայտատուի կողմից լրացվող հարցաշար` համաձայն Ձև N 2-ի

 

7.4 Փաստաթղթեր, որոնք հաստատում են Հայտատուի համապատասխանությունը ԳՆՀ-ի պահանջներին.

 

7.5. Տվյալ ԳՆՀ-ով պահանջվող այլ փաստաթղթեր:

 

8.       Հայտատուն պետք է ներկայացնի բոլոր փաստաթղթերը թղթային տարբերակով: Հայտատուն պետք է ուղարկի նաև Գնային առաջարկի էլեկտրոնային տարբերակը [email protected] էլ-հասցեին` ներկայացման վերջնաժամկետից հետո` ըստ պահանջի:

 

9.       Հայտատուն կարող է ներկայացնել միայն մեկ Գնային առաջարկ: Սույն կանոնի խախտման դեպքում` տվյալ Հայտատուի բոլոր Գնային առաջարկները մերժվում են` առանց հաշվի առնելու վերջիններիս առավելությունները:

 

10.      Հայտատուի Գնային առաջարկում ներառված յուրաքանչյուր փաստաթուղթ պետք է կնքվի Հայտատուի կնիքով և ստորագրված լինի Հայտատուի համապատասխան լիազորված անձի կողմից:

 

11.      Գնային առաջարկում ընդգրկված փաստաթղթերը (էջերը և տեղեկություն պարունակող ծրարները) պետք է ամրացված կամ փաթեթավորված լինեն այնպես, որպեսզի բացառվի փաստաթղթերի և տեղեկություն պարունակող ծրարների պատահական կորուստը կամ փոխումը:

 

12.      Հայտատուն պետք է պատրաստի Գնային առաջարկի մեկ բնօրինակ` հայերեն լեզվով:

 

13.      Լավագույն առաջարկ ներկայացնող Հայտատու ճանաչվելու և Պայմանագիր կնքելու հնարավորություն ստանալու համար Հայտատուն, Գնային առաջարկի ներկայացման պահին չպետք է լինի սնանկության, լուծարման կամ վերակազմավորման փուլում, ունեցվածքը չպետք է կալանքի տակ լինի:

 

14.      Հայտատուն Գնային առաջարկի փաստաթղթերի փաթեթում պետք է ներառի պետական և հարկային գրանցման փաստաթղթերի ու վկայականների պատճենները:

 

15. Մինչ ներկայացնելը, Գնային առաջարկը պետք է պատշաճ կերպով կնքված լինի ծրարներում (փաթեթներում, տուփերում և այլն): Հետևյալ տեղեկությունը պետք է նշվի ծրարի վրա.

• «Ազգային Հիփոթեքային Ընկերություն» ՎՎԿ ՓԲԸ-ն (իրավաբանական հասցե` ՀՀ, Երևան, Հանրապետության 22-7/1)
• «Չբացել մինչև 2019 թվականի նոյեմբերի 29-ը ժամը 17:00 (տեղական ժամանակով): Բացել միայն  Հանձնաժողովի նիստի ժամանակ» բառերը,
• ԳՆՀ-ի ամբողջական անվանումը, որի համար ներկայացվել է Գնային առաջարկը:

16.      Հայտատուները պետք է ապահովեն իրենց Գնային առաջարկների առաքումը Կազմակերպության գտնվելու վայր: Գնային առաջարկը սուրհանդակային ծառայության միջոցով ուղարկելու դեպքում` անհրաժեշտ է տեղեկացնել սուրհանդակային ծառայության ներկայացուցչին կամ սուրհանդակային գործակալին Գնային առաջարկը հավաստող փաստաթղթերի առաքման այս կարգի մասին:

 

17.      Կազմակերպությունը դադարեցնում է Գնային առաջարկների ընդունումը սահմանված օրը և ժամին: Դրանից ուշ ստացած Գնային առաջարկները մերժվում են Կազմակերպության կողմից` առանց հաշվի առնելու դրանց բովանդակությունը:

 

18.      Համապատասխան պահանջի դեպքում, Կազմակերպությունը ծրարն առաքող անձին ներկայացնում է տեղեկանք ստացման մասին` նշելով ստացման ժամը և օրը:

 

19.      Փակ նիստի ժամանակ ԳՆՀ-ի գործընթացների համար ստեղծված Հանձնաժողովը որոշում է կայացնում լրացուցիչ փուլերի անցկացման մասին կամ լավագույն առաջարկ կատարած (հիմնվելով գնային չափանիշի վրա)  Հայտատուի որոշման և պայմանագրի կնքման մասին, կամ ԳՆՀ-ի ընթացակարգի փակման մասին առանց լավագույն առաջարկի որոշման, երբ Հայտատուներից ոչ մեկը չի համապատասխանում ԳՆՀ-ի, սույն ընթացակարգի և/կամ ՀՀ օրենսդրության պահանջներին:

 

20. Կազմակերպության և լավագույն առաջարկ կատարած Հայտատուի միջև պայմանագիրը կնքվում է ԳՆՀ-ի գործընթացների ավարտից և դրա արդյունքների մասին արձանագրության ձևակերպումից հետո ԳՆՀ-ում նշված ժամկետի շրջանակներում կամ Կազմակերպության կողմից սահմանված այլ ժամկետներում:

 

 

 

 

Գնման առարկայի նկարագիրը

 

	Աշխատանքների ցանկ
1	Վեբ կայքի նոր ամինիստրատիվ գործիքի պատրաստում
2	Վեբ կայքի համար բջջային և թաբլեթի համար նախատեսված տարբերակների պատրաստում
3	Ամինիստրատիվ գործիքի կցում կայքի ֆրոնթ-էնդին
4	Վեբ կայքի կցում Գուգլի վերլուծական գործիքին
5	Մենյուի հետ կապված որոշ ընթացիկ աշխատանքներ

 

Անհրաժեշտ է իրականացնել նաև ինտերնետային կայքի ընթացիկ սպասարկումը: Ընդ որում, հայտատուները իրենց գնային առաջարկներում պետք է պարտադիր նշեն այն աշխատանքների և ծառայությունների ցանկը, որոնք կատարվում են ընթացիկ սպասարկման շրջանակներում և որոնց համար լրացուցիչ վճար չի նախատեսվում։ Հայտատուները պետք է առանձին նշեն կատարվելիք աշխատանքների և սպասարկման վճարների չափը իրենց գնային առաջարկում։

 

 

 

 

(Ձև 1)

Օֆերտայի ներկայացման մասին նամակ

 

«_____ե_______________

№________________________

 

 

Հարգելի Պարոնայք,

 

Ուսումնասիրելով Գնային առաջարկների ներկայացման հարցման անցկացման մասին Ծանուցագիրը, որը հրապարակվել է «Ազգային Հիփոթեքային Ընկերություն» ՎՎԿ ՓԲԸ-ի www.nmc.am կայքում 2019 թվականի նոյեմբերի 21-ին, Գնային առաջարկների ներկայացման հարցման մասին Փաստաթղթերը և ընդունելով դրանցում ամրագրված Գնային առաջարկների ներկայացման հարցման պահանջները`

 

_____________________________________________________________________,

(Հայտատուի անվանումը` նշելով կազմակերպաիրավական ձևը)

գրանցված

_____________________________________________________________________,

(Հայտատուի իրավաբանական հասցեն)

 

Ցանկանում է մասնակցել ԳՆՀ գործընթացին` հետևյալ աշխատանքների կատարման, ապրանքների մատակարարման կամ ծառայությունների մատուցման Պայմանագրի կնքման մասին Գնային առաջարկով.

______________________________________________________________________

(Համառոտ նկարագիր)

Սույն Գնային առաջարկը ունի օֆերտայի իրավական կարգավիճակ և վավեր է մինչև 06.12.2019թ.

 

Սույն Գնային առաջարկը համալրվում է հետևյալ փաստաթղթերով` ներառյալ անբաժանելի հավելվածները.

 

1.       Գնային առաջարկ ____ էջերի վրա,

2.       Փաստաթղթեր, որոնք հաստատում են Հայտատուի համապատասխանությունը սահմանված պահանջներին,____ էջերի վրա,

 

____________________________________

(ստորագրություն, կնիք)

____________________________________

(Ստորագրողի պաշտոնն ու ԱԱՀ)

Ձևի վերջը

         

 

 

 

 Լրացման կանոններ

 

Նամակը պետք է ձևակերպել Հայտատուի պաշտոնական ձևաթղթի վրա: Հայտատուն նամակում նշում է ամսաթիվը և համարը` իր կազմակերպությունում ընդունված փաստաթղթաշրջանառության կանոններին համապատասխան: 

Հայտատուն պետք է նշի իր լրիվ անվանումը (նշելով կազմակերպաիրավական ձևը) և իրավաբանական հասցեն: 

Հայտատուն պետք է նշի աշխատանքների կատարման, ապրանքների մատակարարման կամ ծառայությունների մատուցման արժեքը թվերով և բառերով, ՀՀ դրամով՝ ներառյալ ԱԱՀ-ն: 

Նամակը պետք է ստորագրված և կնքված լինի:

 

 

 

 (Ձև 2)

Հայտատուի կողմից լրացվող հարցաշար

 

N	Անվանում	Հայտատուի մասին տեղեկություն
1	Հայտատուի կազմակերպաիրավական ձևը և ֆիրմային անվանումը
2	Իրավաբանական անձի պետական գրանցման վկայականը (համար, ամսաթիվ, ում կողմից է տրված)
3	Հայտատուի հարկային կոդը
4	Իրավաբանական հասցեն
5	Փոստային հասցեն
6	Բանկային տվյալներ (բանկի անվանումն ու հասցեն, Հայտատուի բանկային հաշվեհամարը)
7	Հայտատուի հեռախոսահամարներ (քաղաքային կոդի հետ միասին)
8	Հայտատուի ֆաքսի համարը (քաղաքային կոդի հետ միասին)
9	Հայտատուի էլեկտրոնային հասցեն
10	Հայտատուի ղեկավարի անունն ու ազգանունը, որն իրավասու է ստորագրելու` համաձայն Հայտատուի հիմնադիր փաստաթղթերի, նշելով նրա պաշտոնն ու կոնտակտային հեռախոսահամարը

         

____________________________________

(ստորագրություն, կնիք)

____________________________________

(Ստորագրողի ԱԱՀ, պաշտոն)

 

 

 

Ձևի լրացման կանոններ

 

Հայտատուն նշում է Գնային առաջարկի ամսաթիվն ու համարը` օֆերտայի ներկայացման մասին նամակի համաձայն: 

Հայտատուն նշում է իր ֆիրմային անվանումը (այդ թվում նաև կազմակերպաիրավական ձևը) և հասցեն:  

Հայտատուները պետք է լրացնեն վերոնշյալ աղյուսակի բոլոր մասերը: Որևէ տվյալի բացակայության դեպքում կատարել «բացակայում է» նշումը: 

«Բանկային տվյալները…..» գրառման 6-րդ տողում նշվում են այն տվյալները, որոնք կիրառվում են Պայմանագիր կնքելիս: