"Ազգային Հիփոթեքային Ընկերություն” ՎՎԿ ՓԲԸ-ի տասներորդ թողարկման պարտատոմսերի տեղաբաշխման մասին

2014թ. ապրիլի 23-ին ՆԱՍԴԱՔ ՕԷՄէՔՍ Արմենիա-ում ստանդարտ, փակ (եվրոպական) աճուրդի անցկացման միջոցով կայացավ «Ազգային Հիփոթեքային Ընկերություն» ՎՎԿ ՓԲԸ-ի տասներորդ թողարկման (100,000 ՀՀ դրամ անվանական արժեքով, 36 ամիս մարման ժամկետով, 10,000 հատ անվանական արժեկտրոնային) պարտատոմսերի տեղաբաշխումը: Տեղաբաշխման ընթացքում ներկայացված գնման հայտերի ընդհանուր ծավալը կազմել է 2,478,193,315 ՀՀ դրամ, իսկ բավարարված գնման հայտերի ընդհանուր ծավալը՝ 981,365,520 ՀՀ դրամ: Տեղաբաշխված պարտատոմսերի միջին կշռված եկամտաբերությունը կազմել է 10.7688%, սահմանային (կտրման) եկամտաբերությունը՝ 10.9501%:

Պարտատոմսերի տեղաբաշխման արդյունքում հավաքագրված գումարներն Ընկերությունն ուղղելու է բնակարանային հիփոթեքային վարկերի վերաֆինանսավորմանը: