«Ազգային Հիփոթեքային Ընկերություն» ՎՎԿ ՓԲԸ-ի տասնչորսերորդ թողարկման պարտատոմսերի ցուցակման և բորսայական առևտրին թույլատրման վերաբերյալ:

«ՆԱՍԴԱՔ ՕԷՄԷՔՍ Արմենիա» ԲԲԸ-ի 2016թ. հունիսի 8-ի ՑՊ-003-06/16 որոշման համաձայն «Ազգային Հիփոթեքային Ընկերություն» ՎՎԿ ՓԲԸ-ի տասնչորսերորդ թողարկման պարտատոմսերը կցուցակվեն և կթույլատրվեն առևտրի 2016թ. հունիսի 13-ից «ՆԱՍԴԱՔ ՕԷՄԷՔՍ Արմենիա» ԲԲԸ-ի ազատ Cbond հարթակում: Պարտատոմսերը բորսայում կշրջանառվեն NMCCB1E բորսայական հապավմամբ: «Ազգային Հիփոթեքային Ընկերություն» ՎՎԿ ՓԲԸ-ի տասնչորսերորդ թողարկման (10,000 ՀՀ դրամ անվանական արժեքով, 12 ամիս (1 տարի) շրջանառելիության ժամկետով, 170,000 հատ անվանական զեղչատոկոսային պարտատոմսեր) պարտատոմսերի տեղաբաշխումն իրականացվել էր 2016թ. մայիսի 20-ին «ՆԱՍԴԱՔ ՕԷՄԷՔՍ Արմենիա» ԲԲԸ-ում՝ ստանդարտ, փակ (եվրոպական) աճուրդի անցկացման եղանակով: Ընկերության` 1,700,000,000 ՀՀ դրամ ընդհանուր ծավալով թողարկված պարտատոմսերի նկատմամբ ներկայացված պահանջարկի ընդհանուր ծավալը անվանական արժեքով կազմել  է 637,300,000 ՀՀ դրամ, իսկ գումարային՝ 573,728,511 ՀՀ դրամ, որից Ընկերության կողմից բավարարված ծավալն անվանական արժեքով կազմել է 637,300,000 ՀՀ դրամ, իսկ գումարային արժեքով՝ 573,728,511 ՀՀ դրամ:

Տեղաբաշխված պարտատոմսերի միջին կշռված եկամտաբերությունը կազմել է 10.9169%, իսկ սահմանային (կտրման) եկամտաբերությունը` 11%: