Պարտատոմսերի 16-րդ թողարկման արդյունքները

2016թ. նոյեմբերի 9-ին ՆԱՍԴԱՔ ՕԷՄԵՔՍ Արմենիա-ում ստանդարտ աճուրդի անցկացման միջոցով կայացավ «Ազգային Հիփոթեքային Ընկերություն» ՎՎԿ ՓԲԸ-ի 3 տարեկան արժեկտրոնային պարտատոմսերի ծրագրային տեղաբաշխումը: Պարտատոմսերի անվանական արժեքը 10,000 ՀՀ դրամ է, 10% արժեկտրոնը ենթակա է վճարման տարեկան երկու անգամ, մարումը՝ 2019թ նոյեմբերի 9-ին:

Տեղաբաշխման ընթացքում առաջարկությունների բավարարված ընդհանուր ծավալը կազմել է 1,368,991,571.32 ՀՀ դրամ, որից 197,831,200 ՀՀ դրամ պարտատոմսերի ծավալ ձեռք է բերվել շուկա ստեղծողի կողմից:  Տեղաբաշխված պարտատոմսերի միջին կշռված եկամտաբերությունը կազմել է 10.4303%:

 

Հաջորդ ծրագրային տեղաբաշխումը  նախատեսված է սույն 2016թ նոյեմբերի 28-ին:  Պարտատոմսերի տեղաբաշխման արդյունքում հավաքագրված գումարներն կհամալրեն «Ազգային Հիփոթեքային Ընկերություն» ՎՎԿ ՓԲԸ կողմից գործընկեր ֆինանսական հաստատությունների տրամադրված հիփոթեքային վարկերի վերաֆինանսավորման հոսքերը: 2016թ. հոկտեմբերի 31-ի դրությամբ «Ազգային Հիփոթեքային Ընկերություն» ՎՎԿ ՓԲԸ կողմից վերաֆինասավորվել է շուրջ 7755 հատ վարկ 64.8 միլիարդ ՀՀ դրամ ծավալով: