“Ազգային Հիփոթեքային Ընկերություն” ՎՎԿ ՓԲԸ-ի իններորդ թողարկման պարտատոմսերի տեղաբաշխման մասին

2014թ. փետրվարի 5-ին ՆԱՍԴԱՔ ՕԷՄԷՔՍ Արմենիա-ում ստանդարտ, փակ (եվրոպական) աճուրդի անցկացման միջոցով կայացավ “Ազգային Հիփոթեքային Ընկերություն” ՎՎԿ ՓԲԸ-ի իններորդ թողարկման (100,000 ՀՀ դրամ անվանական արժեքով, 12 ամիս ժամկետայնությամբ, 10,000 հատ անվանական զեղչատոկոսային) պարտատոմսերի տեղաբաշխումը: Տեղաբաշխման ընթացքում ներկայացված գնման հայտերի ընդհանուր ծավալը կազմել է 924,419,680 ՀՀ դրամ, իսկ  բավարարված գնման հայտերի ընդհանուր ծավալը` 741,058,200  ՀՀ դրամ: Տեղաբաշխված պարտատոմսերի միջին կշռված եկամտաբերությունը կազմել է 8.6766%, սահմանային (կտրման) եկամտաբերությունը` 8.8013%:

Պարտատոմսրի տեղաբաշխման արդյունքում հավաքագրված գումարներն Ընկերությունն ուղղելու է բնակարանային հիփոթեքային վարկերի վերաֆինանսավորմանը: