«Բնակարանային միկրովարկերի և բնակելի անշարժ գույքի էներգաարդյունավետության բարձրացմանն ուղղված վարկային ծրագրի» շրջանակներում տրամադրվել է առաջին վարկը

Ս/թ հուլիսի 2-ին «Ազգային Հիփոթեքային Ընկերություն» ՎՎԿ ՓԲԸ գործընկեր «Գլոբալ Կրեդիտ» ՈւՎԿ ՓԲԸ կողմից «Բնակարանային միկրովարկերի և բնակելի անշարժ գույքի էներգաարդյունավետության բարձրացմանն ուղղված վարկային ծրագրի» շրջանակներում տրամադրվել է առաջին միկրովարկը:Վարկառուի կողմից վարկի գումարն ուղղվելու է ինչպես բնակարանի էներգաարդյունավետության բարձրացմանը, այնպես էլ բնակարանի ներքին հարդարման աշխատանքների վրա:

Բնակարանի էներգախնայողության և էներգաարդյունավետության բարձրացման հիմնական տարերն են համարվում

• նոր պատուհաններ
• դրսի դուռ
• ջեռուցման համակարգ
• արտաքին պատերի ջերմամեկուսացում
• տանիքի և հատակի վերանորոգում
• էլեկտրախնայողությունը բարձրացնող այլ աշխատանքներ

Ծրագրի շրջանակում նախատեսվում է տրամադրել երկու տեսակի վարկեր՝ վարկատեսակ 1՝ փոքր և միկրո վարկեր (500-ից - 4000 եվրոյին համարժեք ՀՀ դրամ) բնակարանային վերանորոգման համար: Վերանորոգման վարկերը  կտրամադրվեն առնվազն 5 տարի մարման ժամկետով, վարկի մարման մինչև մեկ տարվա արտոնյալ ժամանակահատվածով (այս ընթացքում պարտադիր մարման ենթակա են միայն վարկի տոկոսները), առավելագույնը 14% տարեկան տոկոսադրույքով: Եթե վարկի գումարի 50%-ն ուղղված է բնակարանի էներգոարդյունավետության բարձրացմանը, ապա վարկի գումարի 10% չափով կտրամադրվի դրամաշնորհ և այդ գումարով կնվազեցվի վարկի ընթացիկ մնացորդը, և Վարկատեսակ 2՝ միջին գումարի վարկեր (4001-ից - 10,000 եվրոյին համարժեք ՀՀ դրամ)` բնակարային վերանորգման և էներգոարդյունավետության բարձրացման համար: Այս՝ էներգոարդյունավտությանն ուղղված վերանորոգման վարկերը կտրամադրվեն առնվազն 10 տարի մարման ժամկետով, մինչև 2 տարի արտոնյալ ժամկետով (այս ընթացքում պարտադիր մարման ենթակա են միայն վարկի տոկոսները), առավելագույնը 11% տարեկան տոկոսադրույքով: Եթե վարկով ֆինանսավորված աշխատանքների շնորհիվ բնակարանի էներգոարդյունավետությունը կբարձրանա 40%-ով, ապա վարկառուն կստանա դրամաշնորհ վարկի 5%-ի չափով և այդ գումարով կնվազեցվի վարկի ընթացիկ մնացորդը:

Նշենք նաև, որ ծրագրի շրջանակներում Կազմակերպության հետ արդեն իսկ համագործակցում են հետևյալ կազմակերպությունները` «Անելիք Բանկ» ՓԲԸ, «Առաջին Հիփոթեքային Ընկերություն» ՈՒՎԿ ՍՊԸ, «Արդշինբանկ» ՓԲԸ, «Գլոբալ Կրեդիտ» ՈՒՎԿ ՓԲԸ, «Զարգացման Հայկական Բանկ» ԲԲԸ, «Էքսպրես Կրեդիտ» ՈՒՎԿ ՓԲԸ, «Կիլիկիա» ՈւՎԿ ՍՊԸ, «Կոնվերս Բանկ» ՓԲԸ, «Հայբիզնեսբանկ» ՓԲԸ: