Ընկերության տնօրենը մասնակցեց ՍԾԱԶԲ կազմակերպած բիզնես ֆորումին

2025 թվականի հուլիսի 10-ին Ընկերության գործադիր տնօրեն Էդմոնդ Վարդումյանը մասնակցել է Երևանում կայացած «Հայաստան. տարածաշրջանային հաջողության արագացում» խորագրով բիզնես ֆորումին, որը կազմակերպվել էր Սևծովյան Առևտրի և Զարգացման Բանկի (ՍԾԱԶԲ) կողմից։

Միջոցառման շրջանակում պարոն Վարդումյանը հանդես է եկել «Գործընկերություն ՍԾԱԶԲ-ի հետ․ դիտարկումներ և փորձառություններ» թեմայով պանելային քննարկման ընթացքում՝ ներկայացնելով ՍԾԱԶԲ-ի և Ընկերության միջև իրականացված համագործակցության հաջողված փորձը։

Իր ելույթում Էդմոնդ Վարդումյանը անդրադարձել է նաև Ընկերության գործունեությանը բնապահպանական, սոցիալական և կառավարման (ESG) ոլորտներում՝ առանձնացնելով ոլորտային մարտահրավերներն ու ձեռքբերումները, որոնք ձևավորում են ժամանակակից ֆինանսական կազմակերպությունների կայուն զարգացման օրակարգը։